أنفرح أم نحزن

شهدنا هاته الأيّام ولادة حزب جديد. ولادة لم تعد لها أهمّيّة. فقد كثرت الأحزاب. و أعتدت على هذا الكمّ كما أعتدت على الكيف. كمُّ هذه الأيّام يعادل كيف العهد البائد. الأحزاب تتناحر. تركت المواطنين جانبا. تركت البلاد جانبا. اهتمّت بايديولجيّاتها. نسيت الأهمّ و المنشود. في بلد اعتقدت انّه تخلّص من عبدة غير المعبود. اذ بالدّستور للسّاحة يعود. يغرقنا كأمثاله في الوعود. فيم أذنبت حتّى ألاقي هاته الخيبة. خيبة ممّن اعتقدت أنّهم النّخبة. وثقت فيهم. مثّلوني في لجنة و لم يمثّلوا آرائي. فضّلوا أن يمرّروا حساباتهم الضّيّقة. بالقليل من الأفعال و الكثير من الزّندقة. أبحث عن الايجابيّة فلا أجد. لم يعد يفكّرني في الثّورة الآّ الثّورة المضادّة. الكلّ ساهٍ بيوميّاتة. يسهل للذّاكرة أن تخون صاحبها. لم نعد نفتكر فرار المساجين. محاكمة المجرمين. من القتلة و المُحرقين. اقصاء الملاعين. معاقبة المفسدين. فيا خيبة المسعى. لا أجد حتّى من أنعى. و لا من أحمّل المسؤوليّة. حكومة تلهف وراء الاقتراض. أم من يدّعون الأصلاح و لم يشفوننا من الأمراض. و البقيّة تنتشل بعضها بعضا من الأنقاض.
لا أدري ان الثّورة مازالت في دربها. لكنّني متأكّد من مضادّتها.

عيد أمّاهات من غير أمّنا الكلّ الحنينة... ليلى

عيد، بأيّ حال عدت يا عيد

للّي قامو الصّباح يلقاو أمّهم في الكوجينة حضّرتلو الفطور
للّي قام مشى يلبس دبشو بش يخرج يلقى دبشو غسلتّو لمّيمة و نظيف
للّي روّح مّخّر كلمتّو لعزوزة في الثّنيّة تسأل عليه
للّي مشى يرقد قاتلو مّا تصبحالاخير
للّي مسافر باستّو لحنينة و قاتلو في الضّمانة

للنّاس هاذم  و لكلّ احد أمّو مونستّو في الدّار... فمّ شكون، بعد 14 جانفي يقوم ما يلقاش أمّو... و فمّ أمّاهات ملّي رقدو ولادهم من 14  جانفي و ما قاموش و ما عادش بش يقومو... أمّاهات ما يقارب 300 شهيد... و فمّ البلاد الّي هلكوها و ما خذاتش حقّها

اذا كان تعتبر اللّي الثّورة نجحت و وصلنا للحرّيّة فسامحني فيك،  و اذا كان تعتبر الثّورة وفات و غمّو عليها، و هي الأغلبيّة، راك انت قرّرت بش توفيها و بش يغمّو عليها... و كان مازلت ما أيّستش... الثّنيّة ظاهر فيها مازالت طويلة و المطلوب هو طول النّفس و اليقظة

"العزوزة الهايمة"

هاك الزّوز المعتقلين في مركز في بوزيد و تحرقوا في وسطو...وين وصلت الجماعة في البحث؟
هاك الرّئيس منطقة الحرس في مدنين اللّي لقاوه مقتول... وين بحثو؟
هاك الكرهبة اللّي تفرّق في الفلوس في قفصة... اش عملو فيها؟

هاك الأحداث متاع الكاف و تحرقت فيها المنطقة و الجيش يتفرّج فيهم... شنيّة حكايتهم؟
المرابيط اللّي تسيّبت الأيّامات هذي... ما فمّاش شكون يتحمّل المسؤوليّة؟
اعتداء اعوان الدّاخليّة الوحشي ع المتظاهرين و قالو تعرّفو بعض المعتدين... اي وينهم؟

من غير ما نجبدو لا ع القنّاصة و لا ع الحاكم اللّي قتل و سرق و لا ع المليشيات اللّي حرقت البلاد و لا... و لا... و لا

هذا الكلّ وسط سؤال انكاري، علاش ما نلقاوش اليسار في التّلفزة و ما فمّ كان اللّي يبندر؟
 و يقلّك مش موجّه

عجبي

 اذا ما سلّمنا أنّ كلّ رجل سياسة هو رجل لبق و ماكر في القول و أنّ كلّ رجل صحافة، تتوفّر لديه على الأقلّ "ذرّة رجوليّة"، هو رجل فصيح و خبيث في استدراج الأقوال فانّك ستجد نفسك و بالضّرورة خارج تونس... و لكن فلنسلّم

عادة ما يكون للرّجال الكبار في السّنّ من الحكمة و الخبرة ما يخوّل لهم ألّا ينزلوا لمستوى متدنّيا في أخلاقيّات التّناقش و هم طبعا  من يحدّدوا المستوى الذّي يريدون حسب ما تقتضيه الضّرورة في تلك اللّحظة

و انّي لأستغرب ممّن يدّعون أنّهم من يمارسون السّياسة و يقابلون رؤساء العالم و يسمحون لأنفسهم بالتّعدّي على كرامة انسان آخر حتّى و ان أخطأ في حقّه... لقد بان بالوضوح انّ السّيّد الفاضل فخامة الوزير الأوّل قد فقد رصانته و حنكته لسبب مّا قد أثار حفيظته

فعجبي ممّن يدّعي دماثة الأخلاق و يتجرّد منها ليهين من يشاء و متى يشاء

عجبي ممّن يدّعي الحنكة السّياسيّة و حين يُسأل لا يجيب و اذا أجاب لا يقنع و اذا أقنع لا يشفي

عجبي ممّن يخوّل لنفسه أن يقرّ بعدم شرعيّته و يعلن فخورا أنّه من يحكم و يسيّر

عجبي من المحكوم  المظلوم يسمع و تمارس عليه التّجاوزات في حقوقه و يتباهى بولائه لحاكمه تحت شعار لن نصمت بعد الآن
عجبي من صحافة، ليست موجّهة، أهينت بحضورها و لا تردّ في حينها أو حتّى بعد التّريّث
و عجبي من محاكمة سياسيّة تحدث بعد ثورة لطالما طبّلوا لها و نعتوها بثورة حرّيّة و كرامة... فلا كرامة رأيت و لا حرّيّة أحسست


 و الأعجب أنّه لن يبقى من حديثي الّا التّعجّب